آج جبکہ اسلامی دنیا کے بعض علاقوں میں قائدین کی جرات وصداقت اورمجاہدین کی جانثاری ومقاومت کی بدولت اسلامی بیداری کی لہریں روزبروزپھیل رہی ہیں۔ جس کی وجہ سے بہت سے اسلامی ممالک میں نوجوان، دانشمند اورعوام میدان عمل میں اُترچکے ہیں تو اب بہت سے مسلمان سیاست دانوں اور سربراہوں کیلئے منحوس، قدرت طلب اورغدارمغربی حکمرانوں کے چہرے سے پردہ اُٹھ چکاہے، لہذااستکباری اورطاغوتی حکمران، اسلامی دنیا پراپنے تسلط اورقبضہ کومضبوط کرنے کیلئے پھرسے نئی نئی سازشیں کر رہے ہیں

اس "اسلامی بیداری" کامظہر وہ افراد نہیں ہیں جوآج پوری اسلامی دنیا میں دہشتگردی کا جن بن کرواویلا مچا رہے ہیں، جوعراق میں خطرناک سازشیں کررہے ہیں، جواسلامی دنیا میں اسلام ہی کے نام پرمسلمانوں کے خلاف کام کررہے ہیں، جن کا سب سے اہم فریضہ مسلمانوں کے درمیان فرقہ واریت اورقومیت کی آگ لگاناہے۔ یہ لوگ کبھی بھی اورکسی بھی"اسلامی بیداری" کامظہرنہیں بن سکتے ہیں۔ مستکبرین خود بھی اس بات سے بخوبی واقف ہیں۔ وہ لوگ کہ جو یہ چاہتے ہیں کہ اسلام کو مغربی دنیا کے سامنے خوفناک اور دقیانوسی شکل میں پیش کیا جائے خود جانتے ہیں کہ اسلام کا حقیقی چہرہ ایسا نہیں ہے۔ آج اسلامی دنیا جس اسلام کا اپنی آنکھوں سے مشاہدہ کررہی ہے وہ عمیق بنیادوں اور نئے افقوں کا حامل اسلام ہے، یہ اسلام، انسانی زندگی کولاحق تمام مشکلات کے حل کی صلاحیت رکھتا ہے۔ یہ دقیانوسی اسلام نہیں، یہ اسلام اندھی تقلید اور غلامانہ سوچ سے کوسوں دور ہے، اس بات کو خود عالمی مستکبرین بھی بخوبی جانتے ہیں

ہم اسلام کے حامی ہیں۔ ہم مسلمانوں کے حامی ہیں۔ ہم اسلامی بیداری کے حامی ہیں۔ ہم مظلوم ملتوں کے عظیم قدرتی ذخائر کا استعماری اورطاغوتی طاقتوں کے ہاتھوں استحصال کے مخالف ہیں۔ ہم استعماراوراستحصال کے شدیدمخالف ہیں۔ ہماری یہ مخالفت صرف زبانی اورباتوں تک ہی محدودنہیں ہےبلکہ ہمارانظریہ اورموقف یہی ہے۔ ہماری خارجہ پالیسی بھی یہی ہے۔ جیساکہ میں نے کہایہ سب ہمارے جمہوری اسلامی کے تفکرکی بنیادپرہے

آج تمام اسلام دشمن عناصرکی کوششوں  کا مرکزی نقطہ یہ ہے کہ وہ دنیامیں اٹھنے والی اسلامی بیداری کی تحریک کوکچل دیں۔ تمام جہات سےان کی اسلام دشمنی کامرکزسب سے بڑھ کرایرانی قوم اورملک ایران ہے۔ کیونکہ ایرانی قوم نے دنیا والوں کیلئے ایک نمونہ اور آئیڈیل پیش کیاہے۔ اپنے افکار اور ایسے نئے مفاہیم کے ذریعہ جوانہوں نے دنیا کے مسلمانوں کیلئے پیش کیے ہیں۔ اپنے جہاد و مقاومت اور انقلاب کے بعد پچھلے چوبیس سالہ عرصہ میں ملت ایران کے بچوں بوڑھوں، نوجوانوں اورجوانوں، خواتین اورمردوں نے شجاعت کااعلی مظاہرے کرکے مسلمان اقوام کواپنی جانب متوجہ کیاہے اوراسلامی ممالک میں اسلامی بیداری کی لہرکے پیداہونے کاباعث بنی ہے۔ لہذااب وہ پوری دنیامیں اسلامی بیداری کے اس مرکزی نقطہ یعنی ایران کے پہلے سے کہیں زیادہ بڑھ کر دشمن ہیں۔ جس کا اظہار وہ مغرضانہ انداز میں خباثتیں، جھوٹی تبلیغات اوروحشیانہ ظلم وستم کے ذریعہ کرتے ہیں۔ ان  کامقصدصرف ملت ایران اوراس کے سربراہان مملکت کوڈرانااوردھمکاناہے۔ دشمن اپنے غرورکاباعث بننے والے ناکام تجربات کی بنیادپرایک عظیم الشان ملت اورایک انتہائی مستحکم وپائیدارانقلاب اورنظام کواپنے مقابلہ سے ہٹاناچاہتے ہیں

استکباری نظام اور خصوصاً امریکہ کی پریشانی اور خوفزدگی کی وجہ یہ ہے کہ وہ اچھی طرح دیکھ رہے ہیں کہ اسلامی دنیا کے گوشہ و کنار میں روزبروزاسلامی بیداری میں اضافہ ہوتا جا رہا ہے، حالانکہ انہیں یہ توقع تھی کہ وقت گذرنے کے ساتھ ساتھ دنیامیں "اسلامی جمہوریہ" کے نعرے پرانے اوربے اثرہوجائیں گے لیکن ایسا نہیں ہوا۔ انہیں یہ اندازہ تھا کہ پوری دنیا کے عاشقوں کی شمع "امام خمینی قدس سرہ" کی رحلت کے ساتھ ہی  اسلامی نعرے بھی نہ صرف بے اثرہوجائیں گے بلکہ بھلا دیئے جائیں گے، لیکن ان کے یہ سارے تخمینے اوراندازے سراسرغلط ثابت ہوئے، لہذاوہ سب اس وجہ سے غمگین اورپریشان ہیں